विखे-जगताप विरुद्ध कोतकर समीकरण – महापौरपदाच्या शर्यतीत कोण पुढे? #PoliticalBuzz
मंडळी, स्थानिक स्वराज्य संस्थांच्या निवडणुका २०२५ जशा जवळ येत आहेत तसतशी शहरातील राजकीय समीकरणं वेगाने बदलताना दिसतायत. निवडणुकांच्या तारखा अजून जाहीर झालेल्या नाहीत, मात्र राजकीय हालचालींना वेग आला आहे.
सध्या सगळ्यांचा चर्चेचा विषय म्हणजे – “विखे-जगताप युती मजबूत ठरणार का? की कोतकरांचा गुप्त डाव मात देईल?”
अहिल्यानगर महानगरपालिका राजकारण: सुजय विखे आणि संग्राम जगताप.
उत्सवांतून दिसलेले राजकीय जलवे
अलीकडेच झालेल्या दहीहंडी आणि गणेशोत्सव मिरवणुकांमध्ये उमेदवार इच्छुकांनी आपला जलवा दाखवला. मोठे डीजे, रोषणाई आणि मिरवणुकीतून ताकद दाखवण्याचा प्रयत्न झाला.
- आ. संग्राम जगताप – अजूनही लोकांमध्ये प्रचंड लोकप्रिय.
- माजी खा. सुजय विखे पाटील – संघटनशक्ती, आर्थिक पाठबळ आणि जनाधार यामुळे मोठा प्रभाव.
हे दोघे एकत्र आल्यास नगरसेवकांची मोठी संख्या त्यांच्या बाजूने राहील, यात शंका नाही. शिवसेना (शिंदे गट) स्वतंत्र लढण्याची शक्यता आहे.
कोतकरांचा शांत पण प्रभावी डाव
मात्र, याच काळात भानुदास कोतकर आणि संदीप कोतकर यांनी शांततेत चालवलेली राजकीय चक्रं खूप मोठी भूमिका बजावू शकतात.
- केडगाव - ८ नगरसेवकांपैकी किमान ७ नगरसेवक कोतकरांच्या बाजूने वळू शकतात.
- मुकुंदनगर – फकीरवाडा : ४ पैकी ३ नगरसेवक कोतकरांच्या गटात येण्याची शक्यता.
- इतर भाग - किमान ७ नगरसेवक आधीपासूनच कोतकरांच्या जवळचे मानले जातात.
या सर्वांचा हिशेब लावला तर १६ नगरसेवकांची ताकद कोतकरांकडे जमा होऊ शकते. आणि एवढी संख्या महापौरपदासाठी निर्णायक ठरू शकते.
पुढील समीकरणं – खासदारकी, आमदारकी आणि महापौरकी
राजकीय जाणकारांच्या मते, पुढील निवडणुकांचे अनेक धागे या समीकरणाशी जोडलेले आहेत.
- खासदारकी - सुजय विखे यांना शहरी भागात कोतकरांचा पाठिंबा लागणारच.
- आमदारकी - संग्राम जगताप यांना शहरातील आपली ताकद टिकवण्यासाठी कोतकरांना दुर्लक्ष करणे धोक्याचे.
- महापौरकी - जर विखे-जगताप यांनी कोतकरांसोबत समझोता केला, तर महापौरपदावर कोतकर बसण्याची शक्यता प्रबळ आहे.
स्थानिक राजकारण हे नेहमीच अनपेक्षित असतं. जनता कोणाला साथ देईल, हे शेवटच्या क्षणी ठरतं. मात्र सध्या एवढं नक्की – विखे-जगताप युती विरुद्ध कोतकरांचा गुप्त डाव हीच खरी निवडणुकीची लढत असेल.
💬 तुमचं काय मत आहे? महापौरपदावर कोण बसेल? कमेंटमध्ये नक्की कळवा.
No comments
Post a Comment